Carpon Basa Sunda

Katintaan

            

Ba’da solat magrib sapertos biasa Bapa calik dina korsi ruang tamu bari maca buku. Kuring sareng pun adi, Usep sok teras dipiwarang ka kamar keur diajar atanapi ngeurjakeun pancen ti guru. Kahoyongna mah kuring teh gogoleran nongton dihareupeun TV bari lalajo kartun tapi da Bapa sareng mamah sok ngawagel, saurna teh loba lalajo TV matak ngagangu kana diajar jeung sok matak belet.

          Aya rasa keuheul oge ka bapa jeung mamah ari sok ngawagel kitu teh, tapida ari janten budak mah ulah sok ngalawan jeung ngabantah bisi doraka, kudu ngagugu kana nasehatna jeung omongan kolot.

          Kuring kedah enggal-enggal ngeurjakeun pancen ti bu guru. Usep teh alim ngapalkeun, ngadon ngaganggu kuring keur diajar. “Usep buru ngapalkeun bisi di bejakeun ka Bapa!” ceuk kuring bari rada nyentak. Naha ari teulila geblok teh tinta bahe kadupak ku Usep kana meja abdi nepi keuna kana buku-bukuna, kuring jadi  keuheul ka Usep.

          “Naha ari Usep tinta malah didupak sagala, ceuk a Deni gek diajar lain malah ngaganggu batur!!!” Ceuk kuring bari ambeuk ka Usep. Usep reuwaseun pisan ku kuring di sentak teh, ari kuring teras weh nyeuseulan Usep. “Hapunteun a…teu sangaja” ceuk Usep bari ciga nu rek ceurik. Kuring keuheul pisan ka Usep, atuda meja geus diberes-beres dibersih-bersih ayeuna janten kotor katintaan.

          Kuring jojorowokan kitu teh kadanguen ku bapa jeung mamah. “kunaon ieu Den?” ceuk mamah. “Ieu mah Usep namplok keun tinta, tuda teu beunang di carek ku Deni” ceuk kuring. “Nya entos wios weh Den, Teu sangaja Meureun” ceuk bapa. “Sok Usep candak elap di dapur, heug elap tintana” ceuk bapa deui. Usep katingali sieun dicarekan ku kuring.

          “Den Buku-buku nu tadi ka tintaan keun ku bapa digantian.” Ceuk Bapa bari mere buku tulis anyarna. “Tah candak! Den teu kudu ambeuk-ambeukan sagala, sabab ku ambeuk moal mereskeun pasualan . Usep ngalakukeun siga nu tadi teh tantu teu sangaja”saur bapa ngabela Usep.

          “Usep geus menta dihampura kan?, pan tadi gek ku Usep Tos di bersihan Mejana”. Kuring ukur cicing rumaos lepat “Ari ambek teh awalna ti nafsu,nafsu eta teh pangaruh setan”ceuk bapa.

           Ngadangu wagelan Bapa kuring jadi ngararasa kaduhung, ayeuna mah janteun karunya ka Usep ,da puguh Usep teh heunteu sangaja. Kuring nyampeurkeun Usep “Sep ,maaf nya engke deui mah kedah ati-ati ulah sok heureuy ari diajar teh!”. Usep katinggali gumbira deui .

          Ayeuna kuring gaduh buku anyar pamasihan bapa, ngagentos nu katintaan, padahal buku nu katintaan teh seuer seratan pentingna…